"Tonight, I can write the saddest lines."
- Pablo Neruda
Nahuhumaling ba itong muli o nais na lamang magpakalayu-layo?
Nagmamatigas?
Naglulubid ng kasinungalingan?
Hindi ito masagot ng aking isipan.
Nauukol ba ang bawat isa sa isa pa?
O ang isa ay para sa mas marami pa?
Nagtataka, nagtatanong siya
Alin ang tama at kailan nga ba tama ang talagang tama
Masakit.
Hindi kita sasagutin.
Mananatili ka ba sa yungib ng iyong nakapinid na pantasya,
At magsasawalang-kibo sa tawag ng mapupusok na madaling-araw?
Nananabik, nagnanais ang huling dalaga ng kanyang panahon.
Paano mo hahamunin ang lipunang huwag kang husagahan
Na ikaw ay ikaw at hindi ka laging tama.
Hindi ka na niya naririnig.
Alam na niya ang sagot sa kanyang panaginip.
Walang komento:
Mag-post ng isang Komento