Oo, para sa atin lamang
Mga sandaling inaagos tayo ng ating mga reyalidad
Patungo sa isang madawag na paraiso
Nagkukumahog tayong mang-agaw
Samantalahin ang mga pagkakataong hibang
Sa dulo ng talukap ng ating mga mata
Binubuhay natin ang mga pangarap ng nakaraan
Nananatili tayong hayok sa mga sandaling iyon
At natatapos ang mabubuting hangarin
Dahil mas higit pa ang ating hangarin
Sa isa't isa.
Bagama't ganito
Natitigilan tayo
Dahil ninanais ng mundo
Ang reyalidad.
